LIONS CLUB LICATA
Anno sociale 2017-2018
Presidente: Agostino Balsamo
17 ° MEMORIAL ROSA BALISTRERI
SEZIONE POESIE
LA GUERRA DI LU 15/18 DI CENT’ANNI FA’
GIOVANNI PARISI AVOGARO
LA GUERRA DI LU 15/18 DI CENT’ANNI FA’ E partunu... picciotti ancora a lu sbucciari ca sapivanu di latti, rubati a li cori di li mammi ppi iri a lu massacru di la guerra di lu 15/18.
Li mannanu ppi difenniri la patria… ma quali, chidda di li criminali patruna capi di statu ppi li so ‘nteressi. e ppi un pezzu di terra a li cunfini?... ca ppi iddi, iva chiassà di miliuna di nnuccenti senza nissuna curpa. tantu, iddi, nun n'havivinu lu fucili nta li manu, lu zainu ppinnutu ‘nta li spaddi chinu di bummi a manu ppi jttalli contra l'autri criaturi figghi di la stissa terra e di lustessu sangu, ca ppi iddi eranu nnimici.
Lassanu li mammi ccu li lacrimi ‘nta ll’occhi e lu cori fattiu a pezzi ppi purtalli a lu macellu senza nessuna pietà, e ppi quarcunu pur li mariti sbacantanu li casi e cchiantanu pisanti cruci e li trincei si ll’inchivanu di ‘ffamati, spiddizzati, chini di pirocchi, ‘nmenzu lu fangu e ccu la peddi all'ossu a pinnuliuni e la terra ‘nsuppata di sangu, e di cadaviri scafazzati di li nnimici carri armati. Poviri criaturi… la guerra!.. quanti! danni fici curpa di ssi criminali chi la crianu. li firiti nun’hanu sanatu e ‘nta lu cimiteru di Re di Puglia li sissatamila cruci sunu ancora ddà, tutti prisenti, dalla A alla Z. E quarchi fotografia ancora ‘nta li nostri casi ca ni ricordanu: lu ziu, lu patri, lu nannu ca ‘nti li nostri casi nun tornanu cchiu. |
|