IURNATA D'INFERNU
(11 Settembre)

Palli di focu
trasunu ntra li mura di vitru
facennu minnitta
di li nuncituzzi
ca travagghiavunu tranquilli.
Eranu genti
di tutti li parti di lu munnu;
mammi e patri
giuvini e signurini,
ognunu con li so spiranzi
e la cirtizza di turnari
la sira ntra li so casi,
'nmezzu a li so parenti
o 'ntra li vrazza di li so amuri.
Chi pazzia fu chista?
Quali animu crudeli
potti pinzari sta carneficina?
Davanti a stu pinzeru
l'animu miu
si perdi
e sapi diri:
"Signuri, datici la paci
a ddarmuzzi
e la ragiuni
a ddi pazzi
ca tantu duluri
purtaru a tuttu lu munnu.