SULU SULU
Nni sta sirata friddulina
sulu sulu staju a pinzari
ccu li luci di 'nu fucularu
ca nunn' arrinnesci a farimi callià
Li pinzera sunu tanti
mi firrianu nni la testa
duppu scinninu nni lu cori
facinnulu battiri a cintu all'ura.
Sintu ancora a so vuci
tutta moscia e chianciulina
mi dissi;"Arriva a mo ura" 
mentri a manu mi strinciva.
Rispunniu di stari bona
pirchì ancora nun jera ura 
e mentri chistu diciva 
u me cori chianciva. 
Ppi tia u suli cchiù nun spunta
ti cupina na valata 
fridda cumu na jlata 
u to nomi c'è appizzatu 
ccu na data e na fotografia. 
Ora sugnu sulu sulu 
'ncumpagni di li me pinzera 
mi dumannu a ccu jè cuntari 
l'affanni di stu cori