SI DI TIA
Si di tia vulissi parrari lu suli, l'acqua, la terra purtassi a paraguni. Ogni parola pinsata e ditta fussi vuci di santi tuttu oru culatu.
Tu si ciauru di paci friscura di na carizza cunfortu di 'n-cori vacabunnu.
Si di tia vulissi parrari non facissi vantu sonu di tammuru di la to nobili simenza e mancu di la mputenti fiura chisti sunnu ricchizzi vacanti vamparigghi ca dannu granni luci ma d'iddi sulu cinniri ricogghi!
Tu si' l'amuri, si' la vita si' lu nidu di l'ali sbannuti e si dintra trova posto l'amicu 'n-vita dura lu strittu lijami pirchì lu to cori, pueta natu, è sonu di marranzano nguentu a li duluri è lu tempu di li ricchi annati ca svampanu faiddi d'abbunnanza.
Lu to carattiri sbriusu, lu cori ca canta e ciuciulia è 'n-puzzu scavatu a lu straventu c'agghiutti muddichi di scunfortu e lacrimi ca strazzanu lu tempu pi lu cutturiu di na sorti ria.
|
SE DI TE
Se di te volessi parlare il sole, l'acqua, la terra porterei a paragone.
Ogni parola pensata e detta sarebbe voci di santi tutto oro colato.
Tu, sei odore di pace frescura di una carezza conforto di un cuore vagabondo.
Se di te volessi parlare non farei vanto suono di tamburo del tuo nobile seme e nemmeno dell'imponente figura questi sono ricchezze vuote falò che danno grande luce ma di loro solo cenere raccogli.
Tu, sei l'amore, sei la vita sei il mio nido delle ali sbandate e se dentro trova posto l'amico in vita dura lo stretto legame perchè il tuo cuore, poeta nato è suono di marranzano unguento ai dolori è il tempo delle ricche annate che mandano scintille d'abbondanza.
Il tuo carattere brioso il cuore che canta e mormora è un pozzo scavato al vento che inghiotte molliche di sconforto e lacrime che strappano il tempo per il martirio di una brutta sorte.
|