AFFACCIATA O BACCUNI
Di luci sfoggoranti
e di sciauru inebrianti
è 'ntessutu 'u cuttigghiu 
di la povira genti. 
I schigghi de' piciriddi 
ca si cuntunu pi iocu 
mentunu allegria 
ca mancu na squadra di calciu ci putia. 
C'è macari 'na jattaredda 
pigghiata di scantu 
ca si nni fui in menzu a jammi 
de' i cristiani
e pari ntuntunuta e muttacedda.
Luntanu supra lu mari turchinu 
na vila si sciogghi 'nta lu ventu 
u rintoccu chetu ri na campana 
si spargi 'nta l'aria 
da na chiesa luntana. 
Nu vicchiaredu siccu e 'ncurvatu 
talìa a scena
da lu baccurri di la so casa. 
Sur ridi contentu
e saluta cca manu tutta sta genti
china di gratitudini
picchì ppi nu mumentu
ci fici scurdari a solitudini