ME' MATRI
Matruzza mia, mi ricordu ancora...
chisti su' cosi ca nu scordu mai!
vistuta a festa cu' n'abitu di sita
stavi durmennu ni dru lettu stranu,
atturniatu di sciuri e cannili.
Papà chiangiva cu' nchiantu dispratu
ju talìava tuttu sbammicutu
pirchì u' 'nsapiva cosa fussi a' morti.
Pinsava ca stavatu ripusannu
e prestu ti fussitu sbigliata.
È 'vveru, mamma, stavatu durmennu,
ma di ddu sonnu nun ti sbiglisti 'cchiù!
Chi prescia avisti, mamma, a jritinni,
e lassari pi 'ssempri u' to piccinu
c'avia bisognu ancora di to' curi,
di lu lo' amuri, di li to' carizzi,
di la to' vuci c'apriva u' cori
a la gioa di viviri e sunnari.
Li me' labbra nun dissiru 'cchiù mamma!
e ti chiamavu sulu tra i sugliuzzi,
ni lu scuru di la me stanzetta
unni la sira prima di durmiri,
mi racuntavi "U gattu chi stivali".
Doppu tant'anni sulu ora ho capitu
ca c'è na cosa 'cchiù brutta da morti:
perdiri a matri ancora piccilidru,
lu sustegnu 'cchiu granni di la vita