GTranslate

Chi è online

Abbiamo 109 visitatori e nessun utente online

 

LIONS CLUB LICATA

ANNO SOCIALE 2010- 2011
Presidente Dr. Antonio Massimo Grillo

MEMORIAL ROSA BALISTRERI 10° EDIZIONE
sezione Poesia

A VARCUZZA
Giorgio Guarnaccia
4° Classificata

 

'A VARCUZZA 


Giorgio Guarnaccia

Ascuta figghiu miu so' ca ti ricu: 
Quannu nascemu ni runanu 'na varca 
ppi navigari nò ciumi di la vita 
ansinu ca lassamu chistu munnu. 
Mai la varcuzza tò la carricari 
di robba inutili e gravusa assai: 
" 'A machina di lussu, 'a pilliccia, 
'a villa cu piscina, fabbricata 
ppi farici l'invidia a tutta 'a genti, 
ca 'nfunnu 'nfunnu nun c'importa nenti. 
Tiniri lu telefunu 'n sacchetta 
ppi fari viriri d'essiri 'mpurtanti 
e comu chissi, autri cosi ... tanti! " 
Su tutti "mazzari" e tu non po' rimari, 
'a tò varcuzza non la po' guvirnari. 
Lassa tutti 'sti cosi nà banchina, 
carrica supra sulu picca cosi 
nicareddi, liggeri ma 'mpurtanti: 
" 'Na casuzza unni regna tanta paci, 
ddui o tri amici - ma di chiddi "veri" 
nu travagghiulu ca ti fa campari 
e 'na fimmina sincera ca ti voli beni. 
Su cosi semplici 
e 'a varcuzza tenunu leggera. 
Facili veni lu rimari e ti po' quartiari 
da tutti 'i scogghi ca incontri ppi la via, 
hai accussì tempu ppi pinsari a ttia, 
gudiriti la vita in alligria, 
in paci ascutari lu cantu di l'aceddi 
e vulennu ... po' scriviri puisia!

 

 

 

LA BARCA

 

 Ascolta figlio mio, ciò che ti dico: 
Quando nasciamo ci consegnano una barca 
per navigare nel fiume della vita 
fin quando lasceremo questo mondo. 
Mai la tua barca la devi caricare 
di roba inutile ma molto pesante: 
" La macchina di lusso, la pelliccia, 
la villa con piscina - fabbricata 
per fare invidia a tutti gli altri - 
che in fondo in fondo, non gli importa niente. 
Tenere il telefonino nella tasca 
per far credere di essere importanti 
e come queste, altre cose ... tante! 
Sono "remore" e tu non puoi remare, 
la tua barca non la puoi governare. 
Lascia tutte queste cose sopra la banchina, 
sopra carica solo poche cose 
piccole, leggere ma importanti: 
" Una casetta dove regna tanta pace, 
due o tre amici ... ma di quelli veri, 
un piccolo lavoro che ti fa campare 
ed una donna sincera che ti vuole bene. 
Sono cose semplici 
e la barca tengono leggera. 
Facile ti verrà il remare e potrai scansare 
tutti gli scogli cha incontrerai nella vita; 
avrai così tempo per pensare a te stesso, 
goderti la vita in allegria, 
in pace ascoltare il canto degli uccelli 
e volendo... potrai scrivere poesia!